Nuh? How sad!

Dungan sa mga nagkalain-laing, ug arang ka laing mga nawong nga misulod dinhi sa atong tunghaan ang mga lain sab nga mga panghitabo ug mga batasang lain nga ambot kung kanus-a pa kaha malain. Kining mga butanga dili makaapekto sa usa ra nato apan kanatong tanang mga taga beska ug sa mga buysita. Pipila niining mga isyo maayo unta apan gipangil-ad lamang tungod ra sab sa mga taw nga gahi ayo ug mga ulo, apan ang uban sab sa bisan unsang angulo di jud muqualify sa maayo.

Memorandum Circular no. 39

Nakabasa ka ba sa mga gipapilit sa inyong mga bulletin board? Niadto pa kining Agosto 3, 2009 gipapilit apan tungod siguro kay way picture wala man lang nato nabantayan. Nasulod sa memorandum Circular no. 39 series of 2009 nga para unta sa mga estudyante, faculty, staff, mga residente ug mga bisita sa bi-esyu ang pagbawal sa paghugaw-hugaw, paglabog ug mga basura ug pagpundok sa mga basura sa mga pambuplikong lugar sulod sa atong tunghaan. Maayo kini para kanato ug kini mismo gusto ni Pres JoBacs na tumanun sa tanan, ang dako nga apan lang niini dili nato malikayan nga Makita ang atong mga kaubang estudyante ug manglabay ug mga ginagmay nga butang sama sa mga wrapper sa candy ug mga resibo gikan sa mga pinalit. Sus bai, kanus-a pa ba tawn nato Makita ang kabag-uhang gusto nato mahitabo. Ginagmay lang kining mga butanga apan makaapekto kanato ug sa mga sumusunod nga henerasyon. Nasulod sa giingon nga memorandum ang fine nga dili muobos sa tresentos pisos og community service nga dili mumubo sa usa ka adlaw, unya? Naa naba kahay nasakpan? Naa bay nagpakabana? Bisan pa sigurog mulabay ka sa atubangan sa guardya wa gid musita nimo. Hay naku!

Condom wrappers

Kung swete ug mahilig ka magtambay sa beach para magpahungaw sa imong gibati-- mangutot, magdate-date, magtuon ug unsa pa ba kaha, makaplagan mo siguro ang mga nagkalain-lain dikolor nga shiny shimmering thingy sa atong mga balas. Nuh? Nice bai, murag decoration ang effect. Hinuon pud hapit na Christmas, creative gid ning mga taw sa atong eskwelahan. Kalami tagaan ug award. Well, sa laing bahin maayo sad ni sila nga pahinumdon nato nga kinahanglan naa tay pagsalig—TRUST ba in engles. Indoy ug inday, kung naghimo nalang gani pog milagro ayaw lang tawn mo panghugaw-hugaw sa nature ui, plus maguba and ambiance sa place ug ang concentration sa mga tawng gusto maghuna-huna. Unja maapaktohan among ka-inosente de ti. Ehem(natuk-an kos ako laway).

You are entering a smoke-free university

Wow bai, kung libre sigarilyo pa lang unta ang gimean ani daghan sigurong magsadya. Matud pa sa poster nga gipilit sa mga DevCom dinha sa pultahan sa MMDC, usa sa tulo ka nga batan-on nga manigarilyo mamatay tungod sa ilang mga binuhatan. Siyam sa napulo ka mga di manigarilyo apan magsigeg kalanghap aning mga demyo nga aso ang may taas nga posibilidad nga mamatay tungod sa lung cancer ug heart disease. Ui brod! Kung gusto ka mamatay ayaw tawn mi damaya ter. Ang panigarilyo dili lang makapatay sa mga tawng nagbuhot mismo apan makaapekto sad sa mga taw sa palibot.

Respeto lang gamay brod! Sulod ug kahon nga sirado usa ka manigarilyo aron maimo tanang epekto. Isulod pud dapat sa utok nga wala nagkapoy-kapoy ug nag-antos ang kasagarang estudyante sa pagskwela para lang mamatay tungod sa sigarilyo.

Automated enrollment

Sosyal na ang beska bai. Alams na, din a gud ta mangbaktas ayo ug lagyo para ra marehistro nga tinuod nga estudyante. Sa CHOWKING nalang halos tanang proseso. Gituyo kini sa atong tunghaan para dili kaayo madugay ang mga estudyante ug less-stressful daw. Dili lagi kaayo kuno pero kapoy ug stressful gihapon. Ngano? Kung wala paka kahibaw luoy gid ka pag-ayo. Processing starts at 8 am. Alas otso daw bai, kasabot ka? Alas otso pa daw sila mambaktas padung sa enrolanan or worst alas otso pa tawn manghakot. Hay nako manindog man pud tawn ato mga buhok ug humuwat. Ui ready na ang enrolanan, unsa naman say kulang? Nako po! Wa pa ang enrolment forms. Kay ngano? Simple ang rason, nagpaparlor pa siguro ang muhatag ug musign, ang mas dako nga problema and pinaka-dako nga college in-charge pa jud ang wa. Kaluoy sa mga estudyante, way laing mahimo kundi magtabi. Sir, Ma’am, pwede man siguro ug huna-hunaun pud nga enrolment ra ang tuyo sa mga estudyante ug lagyo tawn ang mga gigikanan sa kasagarang estudyante. Haizt, mabiyaan man lamang tawn sa last trip.

Black is beautiful

Brod? Asa nga Halloween party ka muadto? Itom man lagi halos tanan. Pastilan brod kung gabiing dako ja nag-ingana pa jud ka, sure na aan kang ungo. Ingana nalang gid diay ka pobre ang Pilipinas nga di naman ka afford ug palit ug samin. Announcement po! Naa nay abli nga NOVO sa Baybay, barato ang samin, palit na tawn mu, ayaw pud nang tagsingko ra kay mata ray makit-an ana. Palit ug tibuok para masabtan nimu unsa nay nahitabo. Naku! Makasala man lamang tag ahat. Kasav-an ta ni Bro.

Bai! Ayaw tawn kalimti nga dili tanang uso angay nimu. Ang kasagarang problem sa Pinoy, ang uso sa Mars iapil sa Pilipins. Lahi baya tag beauty bai. Art man daw na siya ingon sa Humanities 11, na-overan ra siguro kay murag nagpaka-aring ingnon naman hinuon ta. Kalma lang brod!

Register and Vote

Nice one. Libreng pahinumdom. Nindot ug content, salamat pag-ayo, pero Sir mura mag gihimo nasad mi nimung uto-uto. Mao nay subtle campaign. Duol na jud diay ang eleksyon. Nagpataka nag panggamit ang mga politico para mabaligya ilang mga ngan. Dako jud siguro ang makamkam mao mugasto para ra ana. Hinuon, and politika ang usa sa mga pinakamaajong negosyo karung panahuna, kausa ra gud ka mugasto, mangurakot nalang ka dayon ingkahuman-solve na ang tanan.

Congrats!

Maglipay tang tanan, naa nasay mga nagpatinuod nga maayo jud ang atong tunghaan. Top-notchers, board passers? Name the course and we have it. Maayo man ang mga tarp nga atong gipambitay sa gawas. Busa usa ka taga-bi-esyu maproud jud ka dapat. Sa pikas nga bahin sa estorya, nagkadugay nanggawas naman tawn ang mga picture nga dili unta dapat makita.

Nagkabaylo siguro ang mga letrato, ang formal tuas facebook and informal naa sa gate gipost. Dili unta nato kalimtan kung kita man ang in-charge nga mga edukado nga taw ang kasagarang muari sa atong eskwelan. Mahiya naman tayo. Mura mag pang personal album ra ato mga picture.

Sa tinuorayng pagkasulti daghan pa kaayong butang ang dapat natong hisgutan ug tagaan ug bili ug panahon apan mura na siguro kabag-a ug Webster’s dictionary ang kabag-on sa atong Amaranth kung ato pa silang hutdon. Palihog lang sa mga naigo, ajaw mo palabig pabuta-buta, ibuka inyong mga mata kay basin malahos inyong drama. Kamu ra poy alaot-di ja lalim. Nuh? How sad.